بلوچ هژار!
بلوچ هژار!
ایرانے هون وارین رجیمءِ اطلاعات تئی جنگ دیگ ءِ چنءُ لانچءَانت
مروچی اےهبر چه کسءَ چیر نه انت که بلوچ گون بازین اڑءُجنجالادیم په دیم انت. بلوچ راج اچ گزرانی،اجتماعیءُ دودءُربیدگی حقان زبهرانت.
بلوچستانءِهر کنڈیءَ چه چهبارءُ کنرکءَ بگر تان سربازءُ زاهدانءَ آس جمبور انت. اچ بلوچستانءِ نوکین نسل ءُ اوبادگءَ گپتگ تان ملاءُ پکیر، وانندگ ءُ غیر وانندگ.... هر روچ لٹُ کٹ ، په زور منینگ پدا مان وتی بیمناکین بندیگ جاهان بندیگ ءُ پاهو دئیگ بنت.
چه بندرءَ ایرانءِ بےتمدنینءُ بیزانگین واکان هاس اے هون وارینءُ پلیتین اسلامی رجیم گون وتی پلینڈ ِیءُ مکاریءَ ناهکین بهتامءِجنگءَ بلوچ راجءَ وت مان وتءَمیڑنتگ ءُ هنون گون تیزیءَ گلایش انت.
په درورءَ: سربازیءَ گون نیکشهری، جدگال ءَ گون کنرکی ءُ چهباری ،کنرکی ءُچهباریءَ گون سراوانی ، سراوانیءَ گون گشتیءُ واشی، واشیءَ گون زاهدانیءِ ، جنگ دیگے چنءُ لانچءَانت.
زانتکارانی گشتننت که:راجانی پجار اهانی وانندگین،زانتکارین ُ پهمیدگین بچ انت . راجءِ دانا ءُ زانتکار راجءَ په شرین ءُ هرابین اسرے برت کننت.
په همےهاترءَ منی دزبندی انت چه وتی راجءِ وانندگینءُ دانشورین بچءُ دهتگ واجهین برات ءُ هاتونین گوهاران که وتی راجءَ په شرین آسرےببرانت ءُ مئیلنت که اے هون وارین اسلامی رجیمءِواکانءُ پلینڈا ن گون لهتے چه بلوچءِهمکاریءَ بلوچ کومءَ وت مان وتءَ جنگ بدینتءُ چه لوڑین آپءَ ماهیگ بگرانت.
من امیت کنان چه وتی راجءَ که آ هچ براےهون وارینءُ پلیتین ایرانءِ اسلامی رجیمءَپه وتی مکسدءُمرادان که هما پلینڈ ی، ناهکین بُهتام جنگ ءُ وت ما وت میڑینگ انت، کامیاب کنگءَ نئیلنت.
یک پدے دگه من چه وتی دلے جهلانکیان چه پهکین بلوچ راجءُ بلوچی تنظیم ءُ پارٹیان ،چه کاری ءُ بزگر ،چه ملاءُ پکیر،چه وانندگءُ غیر وانندگ، چه جنین ءُ مردین دزبندی کنان که په اے اڑءُ جنجالانی گارکنگے هاترءَ َتپاکی ءُ هورکاریءِگِه ءُمنگهین بئیرکءَ بٹهینت .