(تاريخي. فرهنگی.علمی. اجتماعی.ادبي.خبری)

اے هبر رَدیں هبرے نه انت اگں گوئشگ به بیت ، بلوچستان تا هنّون باز
پُشتا دارگ بیتگ و پَشکـَپتگ . همے هساب ءَ بلوچ و بلوچستان ، کمزانتی ءِ
آماچ انت . بلوچستان تهاری و نا وانندهی ءِ گِین گِریں تیرانی آماچ انت .بلوچ ءِ واپینگ و واب کَنَگ ءِ مزنیں پَندلاں ٹهینگ بیتگ انت .اگں ما کمزانتی ، وتی دود ، زبان و راج دوستی ءِ ڈالچار کنگ ءِ راه
ءَ به رَویں ،هما روچ که ما و مئی راج گار و راجدپترانی شموشتگیں تاکانی
باهوٹ به بئیں ، دیر نه انت ؛ بلے اگں ما وتی نَد و قلم ءَ په وتی راج ءِ
زندگ دارگ و وتی ماتی زبان ءِ دیمبری ءَ کار به بَند ایں ، مئی ملک و راج
ءِ باندات روشن و پر شَهم بیت .اے هساب ءَ اگں ما بگوئشیں که گوں بلوچی ءِ هر نوکیں کتابے ءِ چاپ و
شِنگ بَـیـَگ ءَ ، بلوچستان ءِ پراه و پر گوازیں آزمان ءَ ، نوکیں شهمناک
و روشنیں اِستارے روک و برانز شان بیت ،‌رَد نه انت . بــِلّ که اے
اِستار ءِ شَهم و نور کم به بیت ، بلے پدا هم بلوچانی نوکیں دَؤرے ءِ
بُنگیج بَیـَگ ءِ گوئشوک و شاهدی انت .ما هما روچ ءِ وداریگیں که بلوچ راج ءِ زانوگریں سَؤلیں وَرنا و کماش
، بلوچ راج ءِ هِیریں دُتگاں ، هر روچ دَهاں ، سَداں و هَزاراں کتاب
ءِ‌نبیسوک ، بلوچی و دگه زباناں به بنت . هما روچ بلوچ راج ءِ دل بے شَک
گیش رژن ءَ زور ایت و هما وهد انت که بلوچ راج ءِ تهاریں راه ، روک و
روشن به بیت !هما روچ ءِ وداریگ ءَ !سبز بات بلوچ ، بلوچستان و بلوچی دیوان !