بلوچ ءِ هاترا

علی بخش دشتیاری


اے شپ بگش کدی لـهـیـت  په روچ ءِ هاترا

که  درد  اگــه اِنت  مـنـی  بـلـوچ ءِ  هــاتــرا


ماه  و  سال نشتگاں کتگ  ودار سیه شپاں

اے  جنڈیں  جامگ ءِ  من پَچّ  و دوچ ءِ هاترا


منءَرا کئی گَم انت که درد و دوروں زرتگ انت

وت ءَ  کـتـگ  زبـهـر  په  لـنـگ و لوچ ءِ هاترا


تـئـی تـبـے دگــه ، ‌مــئــے هـیـالـے هـم جتا

توئے که چو شدیگ په سُتک و سوچ ءِ هاترا


نـپـے رسیت چے؟ چی انت تماه تئی بگش

کن ئـے چـشـیـں تو کهر  په چار روچ ءِ هاترا


                                           چهبار
                                        16/03/2000