کـــجــــا کـــــجــــــا روان ئے


طارق پسند

کـجـا کـجـا روان ئے کـه دل تــرا تــوارں        کـدی کـدی تـو کایئے دو چم تی راهچارں

سبد سبد گل و پل تی رهسرا نثارں         طـبـق طـبـق مـحـبـت گـونــا گـلاں هـوارں

                      تو بیا په شوق و شانے چو باغ ءِ یاسمینا

جـهـان که سمبهینی گلاں تی آرزوا          سمن که پیش داریت قدیمی رنگ و بوا

سمین که شهر گولیت بهارءِ جستجوا      کلی که چست کن می دلانی های و هوا

                        گوش ئے که انتظارں په تی گلیں جبینا

سهی نیئے که دوشی وفاءِ داستانت      چراغ و پا توانی دوارگ امتحانت

ادا دلے غمیں په نو گلی سٌچانت          گوش ئے ترا و ما را دوارگ گپ و ترانت

                     سحر که بیت شت ئے تو پدا په هند و چینا

ادا مرادءِ شهرں ادا قرارءِ شندں               ادا  امیدءِ گورں ، ادا وفاءِ بندں

ادا گلانی ملکں ، ادا دلانی هندں         کیا چشیں گلا غم په طارقا پسندن